Amseroedd y Gwasanaethau yn Eglwys San Silyn, Wrecsam

Dydd Sul 08:00

Cymun Bendigaid Dywededig

Gwasanaeth tawel, myfyriol sy’n defnyddio geiriau traddodiadol Ewcarist 1984.

Heb gerddoriaeth, mae’n cynnig lle syml i ddechrau’r dydd mewn gweddi, Gair, a
Sacrament.

Dydd Sul 09:30

Addoli i Bob Oedran

Gwasanaeth bywiog a chroesawgar wedi ei lunio gan ystyried plant, teuluoedd a newydd-ddyfodiaid. Gallwch ddisgwyl cerddoriaeth, rhyngweithio, ac awyrgylch lle gall plant a phobl o bob oedran gymryd rhan. Ar ddydd Sul cyntaf y mis, mae’r addoliad hwn yn Gymun i Bob Oedran, lle’r ydym yn casglu o amgylch Bwrdd yr Arglwydd gyda’n gilydd yn un teulu eglwysig.

Dydd Sul 11:00

Cymun Bendigaid Canedig

Gwasanaeth sy’n cyfuno prydferthwch litwrgi Ewcarist 2004 gyda chyfoeth canu cynulleidfaol a cherddoriaeth yr organ. Mae’r Cymun yma’n cynnig teimlad o ddyfnder a pharch, gan ddefnyddio’r gorau o’n treftadaeth gerddorol i godi calonnau a lleisiau mewn addoliad.

Wedi ei ffrydio’n wythnosol i’w wylio ar-lein

Dydd Sul cyntaf y Mis 18:00

Y Cymun Bendigaid

Dathliad Cymraeg o Ewcarist Sanctaidd 1984, yn cynnig addoliad a gweddi, yng nghyfoeth y traddodiad Cristnogol Cymraeg. Mae croeso i bawb, p’un a yw’r Gymraeg yn iaith gyntaf i chi neu’n iaith yr ydych wrthi’n ei dysgu.

Dydd Iau 11:00

Y Cymun Bendigaid gydag Emynau

Cynulliad canol wythnos ar gyfer gweddi, Gair a Sacrament, wedi ei gyfoethogi gan emynau poblogaidd ac annwyl. Mae’r gwasanaeth hwn yn cynnig rhythm tyner addoli a chwmnïaeth yng nghanol yr wythnos.

Dydd Mawrth a Dydd Iau o 16:00

Gweddi’r Hwyr ar YouTube

Gwasanaeth byr, myfyriol o weddi, Ysgrythur, a thawelwch, ar-lein i’r rhai sydd eisiau ymuno â ni yn eu cartrefi. Mae hon yn ffordd syml o oedi ar ddiwedd y dydd a rhannu mewn addoliad lle bynnag yr ydych.