GWASANAETHAU | Dydd Sul 8.00am, 9.30am a 11.00am Dydd Iau 11.00am GWELWCH Y MANYLION

GWELD DIGWYDDIADAU SYDD I DDOD >

Cwrdd â’r Tîm

Tu ôl i fywyd San Silyn mae tîm ymroddedig o bobl sy’n rhannu angerdd am addoli, gwasanaeth a chroeso. Mae ein clerigwyr, staff a gwirfoddolwyr yn cydweithio i wneud yr eglwys hon nid yn unig yn lle o weddi a harddwch, ond hefyd yn ganolfan o weithgareddau i’r ddinas a thu hwnt. Mae pawb yn dod â rhoddion unigryw, wedi eu huno gan yr un weledigaeth: gwneud San Silyn yn rhywle lle mae Duw’n cael ei foli, a lle gall pawb ddod o hyd i gartref.

The-Reverend-R-James

Y Parchedig R James Tout

Y Ficer ac Arweinydd yr Hwb Cenhadaeth

Fel Ficer ac Arweinydd yr Hwb Cenhadaeth, mae James yn arwain gweledigaeth a gweinyddiaeth San Silyn fel Eglwys Hwb Cenhadaeth yn Ardal y Genhadaeth a’r Esgobaeth. Gan weithio’n agos â’r clerigwyr a gwirfoddolwyr, mae ganddo gyfrifoldeb am yr addoli, gofal bugeiliol, ac allgymorth, ac mae’n sicrhau bod yr eglwys yn gwasanaethu ei chynulleidfa a’r gymuned ehangach.
E-bost: jamestout@cinw.org.uk

Reverend Petra Goodband

Y Parchedig Petra Goodband

Yr Offeiriad Cyswllt

Fel Offeiriad Cyswllt yn yr Hwb Cenhadaeth, mae Petra ar reng flaen ein gweinyddiaeth gerddoriaeth, treftadaeth a thwristiaeth. Mae hi’n gweithio’n agos ag Arweinydd Hwb y Genhadaeth a’r gwirfoddolwyr, ac mae ganddi gyfrifoldeb am adeiladu amrywiol weinyddiaethau cerddoriaeth, gan bartneru â mentrau a grwpiau twristiaeth lleol a chenedlaethol, a datblygu ein cynnig treftadaeth .
E-bost: PetraGoodband@cinw.org.uk

Cerys Owen

Cerys Owen

Gweithiwr Allgymorth Cerddoriaeth

Cerys yw Gweithiwr Allgymorth Cerddoriaeth yr Hwb Cenhadaeth, felly mae hi’n chwarae rhan flaenllaw mewn datblygu, annog a helpu i arwain allgymorth cenhadol drwy gerddoriaeth. Mae hi’n gweithio’n agos â’r Offeiriad Cyswllt, Arweinydd yr Hwb Cenhadaeth, a gwirfoddolwyr, a ganddi hi mae’r cyfrifoldeb am gefnogi gweinyddiaeth gerddoriaeth yr eglwys.
E-bost: CerysOwen@cinw.org.uk

Gweledigaeth a Gwerthoedd

Bod yn dyst Cristnogol gweladwy a gweithredol yng nghalon Wrecsam, nid dim ond fel siâp amlwg ar y gorwel, ond ym mywydau pobl hefyd. Ein gweledigaeth yw bod San Silyn yn eglwys lle mae treftadaeth ac addoli’n cwrdd, lle mae pobl yn dod o hyd i bwrpas a lloches, a lle mae presenoldeb Duw yn gyffyrddadwy mewn addoli, cymuned a chenhadaeth.

Addoli: cynnig gweddi a chanmoliaeth sydd wedi ei wreiddio, sy’n llawen ac sy’n agored i bawb.
Croeso: estyn lletygarwch fel bod pawb yn teimlo’n gartrefol yma.
Cymuned: gwasanaethu Wrecsam gyda thrugaredd a phartneriaeth.
Disgyblaeth: annog ein gilydd i dyfu mewn ffydd a chariad.
Rhagoriaeth: ymdrechu am y gorau mewn cerddoriaeth, addoli a lletygarwch.
Treftadaeth: trysori ein hanes fel rhodd fyw ar gyfer heddiw ac yfory.