GWASANAETHAU | Dydd Sul 8.00am, 9.30am a 11.00am Dydd Iau 11.00am GWELWCH Y MANYLION

GWELD DIGWYDDIADAU SYDD I DDOD >
St Giles Church
Service St Giles Church Wrexham
Venue hire setup at St Giles Wrexham

Digwyddiadau a Hurio yn Eglwys San Silyn, Wrecsam

Mae San Silyn yn fwy na thirnod – mae’n rhan fyw ac egnïol o stori Wrecsam. Yn ogystal â bod yn lle i addoli, mae hefyd yn safle prydferth sydd wedi croesawu cerddoriaeth, celf, dysgu a dathlu ers canrifoedd. P’un a ydych yn cynllunio cyngerdd, arddangosfa, digwyddiad cymunedol, neu eich achlysur arbennig eich hun, mae ein drysau’n agored i chi.

 

Gyda’i bensaernïaeth enfawr, acwsteg gynnes, a synnwyr o hanes o amgylch pob cornel, mae San Silyn yn cynnig safle gwahanol i unrhyw un arall.

 

Pethau i’w gwybod cyn i chi archebu

01.

Safle i bob achlysur a dathliad

Rydym yn cynnal amrywiaeth eang o ddigwyddiadau drwy gydol y flwyddyn, o gyngherddau clasurol a pherfformiadau ysgol i arddangosfeydd celf, teithiau treftadaeth, a dathliadau cymunedol. Waeth beth rydych yn ei gynllunio fe weithiwn gyda chi i sicrhau bod y lle’n addas i’ch anghenion a bod eich digwyddiad yn rhedeg yn esmwyth.

02.

Lle, cyfleusterau a hyblygrwydd

Mae San Silyn yn gallu darparu lle i grwpiau bach neu gynulleidfaoedd mwy, gyda seddi, llwyfannau ac acwsteg wych ar gael. Gallwn hefyd gynnig mannau ychwanegol i’w defnyddio fel ystafelloedd cyfarfod neu fannau i fwynhau lluniaeth, yn dibynnu ar eich gofynion. Mae hygyrchedd yn flaenoriaeth gennym, a gall ein tîm roi cyngor i chi am y cynllun a’r cyfleusterau gorau ar gyfer eich digwyddiad.

03.

Bwcio a chymorth i gynllunio

Mae ein tîm digwyddiadau yma i helpu o’r sgwrs gyntaf un. Byddwn yn siarad â chi am argaeledd, logisteg ac unrhyw anghenion penodol sydd gennych, o offer technegol i hysbysebu. Byddwn yn argymell bob amser eich bod yn cysylltu â ni’n gynnar yn y broses, yn enwedig ar gyfer digwyddiadau mwy, am fod ein calendr yn gallu llenwi’n gyflym.

Eich rhestr wirio

 

  • Mae eich digwyddiad yn addas i’w gynnal mewn eglwys ac yn cydfynd â’n gwerthoedd cymunedol.
  • Rydych wedi trafod dyddiadau, amseroedd a gofynion gyda’n cydlynydd digwyddiadau.
  • Rydych yn gwybod am unrhyw ffioedd hurio neu ofynion o ran blaendal.
  • Rydych wedi ystyried mynediad, cyfleusterau ac offer angenrheidiol.
  • Rydych wedi cytuno ar unrhyw gyhoeddusrwydd, tocynnau neu gynlluniau hyrwyddo gyda’n tîm.

Events